Молитва святого архангелу Михаилу

«Господи Боже великий, царю безначальный, пошли, Господи, архангела своего Михаила на помощь рабу твоему (имя), и защити мя от враг моих, видимых и невидимых. О, Господень великий архангеле Михаиле, излей мира благаго на раба твоего (имя). О, Господень великии архангеле Михаиле, демонов сокрушителю, запрети всем врагам борющимся со мною, сотвори их яко овцы и сокруши их яко прах пред лицом ветра. О, Господень великии архангеле Михаиле, первый княже и воеводо небесных сил херувимов и серафимов и всех святых, о, чюдный архангеле Михаиле, хранителю не изреченный, буди ми помощник во всем: в обидах, в скорбех и печалех, в пустынях, на морях и на реках, тихое пристанище; избави мя, великий архангеле Михаиле, от всякия прелести диявольския; егда услышиши мя, грешнаго раба твоего (имя), ускори на помощь мою и услыши молитву мою. О, великий архангеле Михаиле, победи вся противящияся мне силою честнаго и животворящаго креста Господня и молитвами пречистыя Владычицы нашея Богородицы и приснодевы Марии и святых отец и архангел, и святого апостол, и святого пророка Илии, и святого Николы чюдотворца, и святого великомученик Никиты и Евстафия, и преподобнаго отца нашего Нифонта и преподобных отец и святого святителей и всех святых, аминь. О великий архангеле Михаиле, помози мне, грешному рабу твоему (имя), избави мя от труса, и потопа, от огня и меча, и от напрасныя смерти; и от всякаго зла, и от бури наносимыя, и от лукаваго избави мя, великий архангеле Михаиле Господень, всегда и ныне и присно и вовеки веков, аминь. Аще кто сию молитву чтет на каждый день со усердием и со умилением, то аще преставления от жития сего, душу его и ад не приимет».