Молитвы Архангелу Михаилу

«Господи Боже Великий, Царю безначальный, пошли, Господи, архангела своего Михаила, на помощь рабу своему (имя), изъяти мя от враг моих видимых и невидимых. О господень великий архангеле Михаиле, излей мира благого на раба своего (имя)! О Господень, великий архангеле Михаиле, демонов сокрушителю, запрети всем врагам борющимся со мною, сотвори их, яко овцы, и сокруши их, яко прах, пред лицем ветра. О Господень, великий Михаиле архангеле шестокрылатый, первый княже и воевода небесных сил, херувим и всех Святых, о чудесный архангеле Михаиле, хранителю неизреченный, буди ми помощник во всем, в обидах, в скорбях, в печалях, в пустынях и на реках и на морях тихое пристанище. Избави мя, великий Михаиле архангеле, от всякия прелести диявольския. Егда услыши мя грешнаго раба своего (имя), молящагося тебе и призывающаго имя твое святое, ускори на помощь мою и услыши молитву мою. О великий архангеле Михаиле, победи вся противящияся мне силою честнаго и животворящаго креста Господня, молитвами Пречистыя Богородицы и святых ангел и святого апостол, и святого великаго Николая Чудотворца, и святого пророка Илии, и святого великомученик Никиты и Евстафия, и преподобных отец и святых святителей, небесных сил, аминь. О великий архангеле Михаиле, помози мне, грешному рабу своему имя рек, избавитися от труса и потопа, от огня и меча, и от напрасныя смерти, и от всякаго зла, и от врага льстиваго, и от бури наносимыя, и от лукаваго избави мя, великий Михаиле, архангеле Господень, всегда, ныне и присно и вовеки веков, аминь».